الرواية الفلسطينية لقصة سندريلا!!!

الرواية الفلسطينية لقصة سندريلا!!!

لبست الفسطان وراحت جري عالكصر، وشافها الأمير وحبها وركصو سوا، وفجأة دكت الساعة طناش وجراي صارت ترمح وترمح ووكعت ببوجها عالدرج....

سندريلا راحت عالبيت واتمنت لو انو الساعة ما دكتش على الطناش، بس شو تسوي بحظها المشحر مثل حظ هاظا الشعب!

الأمير حط فردة البابوج على مخدة، يمكن لونها زركة أو خظرة، المهم صار ينادي بالصوت على كل البنات عشان يكيسن البابوج، كل البنات كاسن إلا سندريلا......

سندريلا نزلت على الساحة ومعها فردة البابوج، وحطتها على المخدة الي عليها الفردة الثانية، ولما كربت عشان تكيسها ظربها الأمير تشف، وحكالها: وين جاي ياما!؟

حكتلو: يقطع وجهك ما أزنخك، مش شايفني بدي أكيس البابوووج!

حكالها: وحدة مثلك كيف بدها تكون فلكة الكمر هديك!؟

حكتلو: هسا بفرجيك وأحط على عينك!

ولما أجت تكيسها، ما طلعت كد إجرها، لأنها كانت ورمانة من كثر الشغل، ويا حرام ما حد صدكها، وانجنت المشحرة ودارت في الشوارع، والأمير اتزوج غيرها وحكى: لوينتا بدي أظل أدوّر عليها!؟ الله لا يردها هي الخسرانة.

وفي قول آخر أن البنت انكتلت يا حرام في غارة إسرائيلية...!!!

===================================================================

إذا كنتَ لا تقرأ إلا ما توافق عليـه فقط، فإنكَ إذاً لن تتعلم أبداً!